ကလေးမွေးပြီး စွန့်ပစ်သူ မြန်မာအမျိုးသမီး အမေရိကန်တွင် ထောင် ၃ နှစ်ကျ
Nunu Sung ဟု ခေါ်သော မြန်မာ ဒုက္ခသည်တဦးသည်ကလေးမွေးဖွားပြီး စွန့်ပစ်မှုဖြင့် ထောင် ၃ နှစ် ချမှတ်ခံရသည်ဟု ချီကာဂိုမြို့သတင်းစာ တစောင်၏ အင်တာနက် စာမျက်နှာ suntimes.com တွင် ယနေ့ ရေးထားသည်။ သူက ကလေး မွေးဖွားပြီး စွန့်ပစ်ခဲ့ခြင်းကြောင့် အပြစ်ရှိကြောင်း မကြာသေးမီက တရားရုံးတွင် ထွက်ဆိုခဲ့သည်ဟု ဆိုသည်။ အသက် ၂၅ နှစ်ရှိပြီ ဖြစ်သည်။
အပြစ်ရှိကြောင်း ထွက်ဆိုလျှင် ထောင်မှလွတ်ပြီးနောက်ပိုင်း အမေရိကန်တွင် ဆက်လက်နေထိုင်ခွင့်၊ သားဖြစ်သူကို အုပ်ထိန်းပိုင်ခွင့်တို့ ရမည်ကို Nunu Sung က သိရှိကြောင်း သတင်းတွင် ရေးထားသည်။ ထောင်မကျခင် အာမခံဖြင့် နေစဉ်က အာဏာပိုင်တို့ စောင့်ရှောက်ထားသည့် သူ၏ သားထံသို့ အပတ်စဉ် သွားတွေ့ခွင့် ရခဲ့သည်။ ယခု ထောင်ဒဏ် ကျခံရစဉ် တနှစ် နှင့် လေးလ အရွယ် ကလေးကို တွေ့ခွင့် ရှိမရှိ မသိရသေးပေ။ ကလေးမှာ ညီအစ်မ ၀မ်းကွဲ၏ ခင်ပွန်းသည်နှင့် ရရှိသည့် ကလေး ဖြစ်သည်ဟု သတင်းတွင် ရေးထားသည်။
၂၀၀၉ ဇွန်လ ကလေးမွေးခါနီး အချိန်က လမ်းလျှောက်ထွက်ဦးမည်ဟု ဆွေမျိုးတော်စပ်သူတို့ကို ပြောပြီး ထွက်သွားကြောင်း၊ ပြန်မလာသဖြင့် ဆွေမျိုးတို့က ရဲကို အကြောင်းကြားခဲ့ကြောင်း၊ နောက်ပိုင်း သူပြန်ရောက်လာသည့်အခါ ရဲက သူ့ကို စစ်ဆေးနေစဉ် အိမ်နီးချင်းတို့က ချက်ကြိုးတန်းလန်းနှင့် ကလေး ခြုံပင်များကြားတွင် ငိုနေသည်ကို ရှာဖွေ တွေ့ရှိခဲ့ကြောင်း သတင်းတွင် ဖော်ပြထားသည်။ မွေးကင်းစ ကလေးသည် နာရီပေါင်းများစွာ စွန့်ပစ်ခံရသော်လည်း တစုံတရာ ထိခိုက်မှု မရှိဘဲ အသက်ရှင်ခဲ့သည်ဟု ဆိုသည်။
သိန်း ၅၀၀ ကံထူးတဲ့ ကိုးလသားလေ
မုံရွာ၊ အောက်တိုဘာ ၇ - ကျပ်သိန်း ၅၀၀ ဆုကို ဓ-၈၈၀၆၉၈ ထီနံပါတ်ဖြင့် (၂၁၆) ကြိမ်မြောက် အောင်ဘာလေ သိန်းဆုဖွင့်ပွဲမှ ကိုးလသားအရွယ် မောင်ဝတုတ်အမည်ဖြင့် မြတံခွန်ထီစကြာဝဋ္ဌာတွင် ကံစမ်းခဲ့ရာ သုံးစောင်တွဲမှ ကံထူးခဲ့ခြင်း ဖြစ်ကြောင်း သိရသည်။မောင်ဝတုတ်ကို မုံရွာမြို့နယ် လယ်ဇင်ရွာ အုပ်စု၊ ရွာထောင်ရွာနေ တွင်ခံလုပ်ငန်းရှင် ကိုသိန်းဆွေနှင့် မသူဇာဝင်းတို့မှ မွေးဖွားခဲ့ခြင်း ဖြစ်ကြောင်း သိရသည်။ မွေးဖွားပြီး ကိုးလအရွယ်တွင် ယခု သိန်း ၅၀၀ ကို ပေါက်ခဲ့ကံထူးခဲ့သည့်နည်းတူ လွန်ခဲ့သောခြောက်လခန့် မောင်ဝတုတ် သုံးလသားအရွယ်ခန့်က လယ်ဇင်အုပ်စု အောင်သာရွာဘုရားပွဲတွင် ဆိုင်ကယ်မဲ ကံထူးခဲ့သော ကံထူးရှင် ဖြစ်ကြောင်း သိရသည်။
ထို့အမြင် ကံထူးရှင် မောင်ဝတုတ်၏ အဘိုး ဦးသိန်းဝင်းသည် ၁၉၉၇ ခုနှစ်က သိန်း ၅၉ ဆုတစ်ကြိမ်၊ မောင်ဝတုတ်၏ ဦးလေးမှာ ၂၅ သိန်းဆုတစ်ကြိမ် ထီကံထူးခဲ့ဖူးကြောင်း သိရသည်။ သိန်း ၅၀၀ ဆုပေါက်သော မောင်ဝတုတ်ကို မိဘဘိုးဘွားများက မုံရွာမြို့ မြတံခွန်ထီစကြာဝဋ္ဌာထီကားမှ သုံးစောင်တွဲ ထီလက်မှတ်ကို ကံစမ်းပေးခဲ့ရာ သိန်း ၅၀၀ ဆုကံထူးခဲ့ခြင်း ဖြစ်ပြီး ကံထူးရှင် မောင်ဝတုတ်အား မြတံခွန် ထီစကြာဝဋ္ဌာမှ အပိုဂုဏ်ပြုစု ကျပ်သိန်း ၅၀ နှင့် ရိုးမရာဇာ ၁၂၅ ဆိုင်ကယ်တစ်စီးချီးမြှင့်ခဲ့ကြောင်း သိရသည်။
Ref:The Flower News
အောက်တိုဘာလ ၁၁ ရက်နေ့ နံနက် ၅ နာရီခွဲ အချိန်၌ ဒါးပိန်ဘူတာ အကျော်တွင် ရထား၂ စင်းတိုက်မှု ဖြစ်ပွားခဲ့
( 3 Votes )
အောက်တိုဘာလ ၁၁ ရက်နေ့ နံနက် ၅ နာရီခွဲ အချိန်၌ ရန်ကုန်တိုင်း အတွင်းရှိ ဒါးပိန်ဘူတာအကျော် ပဲခူးတိုင်း အတွင်းတွင် ရထားနှစ်စင်းတိုက်မှု ဖြစ်ပွားခဲ့ကြောင်း ရထားပို့ဆောင်ရေးဝန်ကြီးဌာန၊ မြန်မာ့မီးရထားမှ သိရှိရသည်။
ဖြစ်စဉ်မှာ အမှတ် ၈၀၃ ဆီတင်ကုန်ရထားတွဲနှင့် အမှတ် ၁ အဆန်စာပို့ရထားတို့ နံနက် ၅ နာရီခွဲ ၀န်းကျင်းအချိန်၌ တိုက်မိခဲ့ကြခြင်း ဖြစ်ပြီး ထိုသို့ မီးရထားနှစ်စင်း တိုက်မိမှုကြောင့် မြန်မာ့မီးရထားမှ ၀န်ထမ်း ၃ ဦး ထိခိုက်ဒဏ်ရာရရှိမှု ရှိခဲ့ကြောင်း သိရှိရသည်။
မြန်မာ့မီးရထားမှ တာဝန်ရှိသူတစ်ဦးက''ဒီနေ့ နံနက် ၅ နာရီခွဲ အချိန်မှာ အမှတ် ၈၀၃ ဆီတင်ကုန်ရထားတွဲနဲ့ အမှတ် ၁ အဆန်စာပို့ရ ထားနှစ်စင်း တိုက်မိပါတယ်။ လတ်တလောသတင်းတွေအရ ဆီတင်ကုန်တွဲရထားက လမ်းရှောင်ဖို့အတွက် လမ်း လွှဲဝင်တဲ့အချိန်မှာ နောက်ကလာတဲ့ အမှတ် ၁ ရထားက ၀င်ဆောင့်တယ်လို့အကြမ်းဖျင်း သိရပါတယ်။ဒီ မတော်တဆဖြစ်ပွားမှုကြောင့် မြန်မာ့မီးရထားဝန်ထမ်း ၃ ဦး ပွန်းပဲ့ဒဏ်ရာ ရရှိခဲ့ပါတယ်''ဟု ပြောကြားခဲ့သည်။
အဆိုပါ ဖြစ်စဉ်ဖြစ်ပွားခဲ့သည့် ဒါးပိန်ဘူတာအကျော် နယ်နမိတ်သည် ပဲခူးတိုင်းအတွင်း ရောက်ရှိနေကြောင်း၊ ကျန်ရထားခရီးစဉ်များကိုလည်း ပုံမှန်အတိုင်း ပြေးဆွဲပေးလျက်ရှိကြောင်း သိရှိရသည်။
11
Oct
2010
မန္တလေးတိုင်း ဒေသကြီးအတွင်း မြို့နယ် အချို့တွင် စံချိန်တင် မိုးရွာသွန်းမှုကြောင့် ရေကြီးရေလျှံမှုများ ဖြစ်ပေါ်လျက်ရှိ
( 0 Votes )
မန္တလေးတိုင်း ဒေသကြီး အတွင်း၌ အောက်တိုဘာလ ပထမပတ်အတွင်း မိုးအဆက်မပြတ် ရွာသွန်းခဲ့ပြီး မန္တလေးမြို့ ၀န်းကျင်နှင့် ဒေသတွင်းရှိ မြို့နယ်အချို့တွင် ဆည်မြောင်း၊ ချောင်းများ ရေခံပြည့်လျံနေခြင်း၊ ဆည်ရေများ ဖွင့်ထုတ်ပေးခြင်း တို့ကြောင့် အောက်တိုဘာလ ၉ ရက်နေ့အထိ ရေကြီးရေလျှံမှုများ ဖြစ်ပေါ်လျက် ရှိကြောင်း သိရှိရသည်။
မန္တလေးမြို့တွင် အောက်တိုဘာလ ၈ ရက်နေ့က မိုးရေချိန် စံချိန်သစ် ၅.၁၂ လက်မ ရွာသွန်းခဲ့ပြီး ကာလတူ နှိုင်းယှဉ်ပါက ယခင် စံချိန်ကျိုးခဲ့သည့် ၁၉၉၂ ခုနှစ် အောက်တိုဘာလ ၁၅ ရက်နေ့က ရွာသွန်းခဲ့သော ၄.၂၅ လက်မထက် မိုးရေချိန် ၀.၈၇ လက်မ ပိုမ်ို ရွာသွန်းခဲ့ကြောင်း မိုးဇလဌာန သတင်းထုတ်ပြန်ချက် အရ သိရသည်။
မန္တလေးအရှေ့ခြမ်း
ထိုကဲ့သို့ မန္တလေးမြို့၏ အထက်ပိုင်း ဒေသများနှင့် မြို့ပေါ်တွင် အဆက်မပြတ် မိုးရွာသွန်းခြင်း၊ ဆည်ရေလွတ်ပေးခဲ့ခြင်း တို့ကြောင့် မြို့ပေါ်ရှိ ချောင်းများဖြစ်သည့် ပန်းရံတော်ချောင်း၊ နဒီချောင်း၊ တံတားဖြူချောင်း၊ ကိုလံဘိုမြောင်း၊ ရွှေတချောင်းမြောင်း၊ သင်္ဂဇာချောင်း တို့တွင် ရေပြည့်ရေလျှံမှုများ ဖြစ်ပေါ်ခဲ့သည်။ထို့ပြင် မြို့တွင်းရှိ ရေနုတ်မြောင်းများလည်း ရေလျှံတက်လာခဲ့သောကြောင့် အောက်တိုဘာ ၈ ရက်နေ့ တစ်နေ့လုံး မြို့ပေါ်ရပ်ကွက်များနှင့် လမ်းမများ၊လူနေအိမ်ခြေများထဲသို့ ရေ၀င်ရောက်မှုများ တစ်မြို့လုံးနီးပါး ဖြစ်ပေါ်ခဲ့သည်။ မန္တလေးခရိုင်အတွင်း ရေဘေးဒဏ် ခံစားရမှု အနေဖြင့် ချမ်းမြသာစည်မြို့နယ် အတွင်းရှိ ကံသာယာမြို့သစ်၊ ထွန်တုံးရပ်ကွက်၊ မြရည်နန္ဒာရပ်ကွက်၊ အောင်ပင်လယ်ရပ်ကွက်နှင့် ပြည်ကြီးတံခွန်မြို့နယ် အတွင်းရှိ (က) ရပ်ကွက်၊ (စ)ရပ်ကွက်၊ (ဃ)ရပ်ကွက်၊ ငွေတော်ကြည်ကုန်းရပ်ကွက်၊ သင်ပန်းကုန်းရပ်ကွက်၊ အင်းခရု ရပ်ကွက်များတွင် လူနေအိမ်ခြေများ အတွင်း ၄ ပေခန့်အထိ ရေ၀င်ရောက်မှုများ ရှိနေကြောင်း သိရသည်။
ချမ်းမြသာစည် မြို့နယ် အတွင်း ရေကြီးခဲ့မှု အခြေအနေနှင့်ပတ်သက်၍ ထွန်တုံးရပ်ကွက်၊ လေးမျက်နှာဘုရား အနီးတွင်း နေထိုင်သူ တစ်ဦးက''မိုးက တစ်နေ့နဲ့တစ်ညလုံး ရွာနေသလို ဆည်တော်ကြီးကလည်း ရေလွှတ်လိုက်တာကြောင့် အိမ်နားက တံတားဖြူချောင်း ရေလျှံတက်လာတယ်။ အောက်တိုဘာ ၈ ရက်နေ့ ညနေပိုင်းအထိ အိမ်ကို ရေမရောက်သေးဘဲ ညပိုင်းမှာ တရိပ်ရိပ်နဲ့တစ်ညလုံး တက်လာလိုက်တာ မနက် ၄ နာရီလောက်ကျတော့ မြေပြင်ကနေ အိမ်ပေါ်ထိ ရေက ခြောက်ပေလာက် ရှိနေပြီ။ အိပ်ချိန်မှာ တက်လာလို့ ပြောင်းရရွှေ့ရနဲ့ အတော် ဒုက္ခများကြတယ်''ဟု ဆိုသည်။
မန္တလေးအနောက်ခြမ်း
အောင်မြေသာစံမြို့နယ်နှင့် ချမ်းအေးသာစံမြို့နယ် အနောက်ဘက်ခြမ်း တို့တွင်လည်း သင်္ဂဇာချောင်းရေနှင့် ရွှေတချောင်း မြောင်းရေ လျှံတက်လာမှုကြောင့် အဆိုပါ မြို့နယ်အတွင်းရှိ အနိမ့်ပိုင်းကျသော လူနေအိမ်ခြေ အချို့တွင် ရေ၀င်ရောက်မှုများ ဖြစ်ပေါ်ခဲ့ပြီး မြို့၏အထင်ကရ လမ်းမကြီး ဖြစ်သော ၁၆ ဘီလမ်း အောက်ပိုင်းတစ်လျှောက်တွင် ရေကြီးရေလျံမှု ဖြစ်ပွားခဲ့သည်။''ဒီဘက်ပိုင်းမှာ ရေကြီးနေတာကြောင့် ၂၆ ဘီလမ်းပေါ်က သင်္ဂဇာချောင်းကို လူတွေ၊ဆိုင်ကယ်တွေ သွားလာလို့ မရတော့ဘူး။အဲဒါနဲ့ ဆိုင်ကယ်တစ်စီးကို ၅၀၀(ကျပ်)၊ လူတစ်ယောက်ကို ၂၀၀ (ကျပ်)နဲ့ ထော်လာဂျီတွေနဲ့တင်ပြီး ကူးနေရတယ်။ သံဘိုကျွန်းဘက်က လှေတွေလည်း ရောက်လာပြီး သယ်ယူပို့ဆောင်မှုတွေ ၀င်လုပ်နေတယ်''ဟု ပွဲကုန်းရပ်တွင် နေထိုင်သူတစ်ဦးက ပြောကြားခဲ့သည်။
ပုသိမ်ကြီးမြို့နယ်
ပုသိမ်ကြီးမြို့နယ် အတွင်းတွင်လည်း အောက်တိုဘာလ ၈ ရက်နေ့က မိုးရေချိန် ၁၁.၃၁ လက်မ ရွာသွန်းခဲ့သောကြောင့် ဒေသတွင်း မိုးရေချိန်လက်မ အများဆုံး ရွာသွန်းရာ မြို့နယ်တစ်ခု ဖြစ်ခဲ့သည်။ဆည်တော်လေးဆည် ရေလွှတ်မှုကြောင့် နဋောင်းကျ ချောင်းရေမှာလည်း လျှံတက်လာခဲ့ကာ ချောင်းဝန်းကျင်ရှိ ကျေးရွာများနှင့် မန္တလေး-ပြင်ဦးလွင်သွား ကားလမ်းပေါ်တွင် ရုတ်တရက် ရေကြီးရေလျှံမှုများ ဖြစ်ပေါ်ခဲ့သည်ဟု လိန်ပင် ရွာသားတစ်ဦးက ပြောကြားခဲ့သည်။ပုသိမ်ကြီးမြို့နယ် အတွင်းရှိ ဦးလှထွန်းမေတ္တာရိပ်မွန် ကင်ဆာဖောင်ဒေးရှင်း ဆေးရုံဝန်း အတွင်းသို့လည်း ရေလေးပေခန့် ၀င်ရောက်ခဲ့သောကြောင့် ဆေးရုံတွင် တက်ရောက်နေသော ကင်ဆာဝေဒနာရှင် ၄၇ ဦးကို ရေဘေးလွတ်ရာ နေရာများသို့ ပြောင်းရွှေ့ကာ ပြုစုကုသမှုများ ပြုလုပ်ပေးလျက် ရှိသည်ဟု သိရသည်။ယင်းကဲ့သို့ ရေကြီးရေလျှံမှု ဖြစ်စဉ်ကြောင့် မန္တလေးမြို့ ရပ်ကွက်အချို့တွင် အောက်တိုဘာလ ၉ ရက်နေ့က လျှပ်စစ်မီးများကို ဖြတ်တောက်ထားခဲ့ကြောင်းလည်း သိရသည်။
တံတားဦး၊မြစ်သား
ယခုနှစ် အောက်တိုဘာလ ၈ ရက်နေ့က ရွာသွန်းခဲ့သော မိုးမှာ မန္တလေးမြို့နှင့် နယ်မြေချင်း ဆက်စပ်လျက်ရှိသော တံတားဦး မြို့နယ်တွင် ၅.၉၁ လက်မ ရွာသွန်းခဲ့ပြီး ပြင်ဦးလွင် မြို့နယ်တွင် ၅.၇၅ လက်မ ရွာသွန်းခဲ့သောကြောင့် တံတားဦးမြို့နယ်တွင် ၂၀၀၃ ခုနှစ် အောက်တိုဘာလ ၁ ရက်နေ့ ရွာသွန်းခဲ့သော ယခင် စံချိန်ဟောင်း ၃. ၅၄ လက်မ၊ ၂၀၀၄ ခုနှစ် အောက်တိုဘာလ ၁၀ ရက်နေ့ ရွာသွန်းခဲ့သော ယခင် စံချိန်ဟောင်း ၅.၄၃ လက်မတို့ထက် ကျော်လွန်ခဲ့သည်။ အလားတူ မန္တလေးတိုင်း ဒေသကြီးအတွင်းရှိ မြစ်သားမြို့နယ်တွင် ဆည်ရေ၊ ချောင်းရေများ လျှံတက်ခဲ့မှုပြီး မြို့နယ် အတွင်းရှိ ပေါက်မြိုင်၊ အင်းရဲ၊ ဆင်ခြံ၊ နွားကူးလေး၊ လောင်းတော်ဦး၊ နွားလျာရိုး၊ နွားဖြူငယ်၊ တမာပင်၊ အနောက်သပြေသာ၊ ဒရယ်ကောင်း၊ကျောက်ဆောက်၊ ရန်အေး၊ ညောင်ခြစ်၊ ပုဏ္ဍားရွာ၊ သစ်တပ်ကုန်း၊ ရစ်ကန် စသည့် ကျေးရွာများ အတွင်းသို့ ရေ၀င်ရောက်မှုများ ရှိနေကြောင်း၊ မန္တလေး-မြင်းခြံကားလမ်း၊ မြစ်သားမြို့နယ် လမ်းပိုင်းတွင်လည်း ကားလမ်း ရေကျော်မှုကြောင့် အောက်တိုဘာလ ၉ ရက်နေ့က မော်တော်ယာဉ်လိုင်းများ ခေတ္တရပ်နားထားခဲ့ရသည်ဟု ဒေသခံများထံမှ စုံစမ်းသိရှိရသည်။
''မြစ်သားမြို့ပေါ် အနေနဲ့ကတော့ မြို့တွင်းလမ်း နှုတ်ခမ်းထိ ရေရောက်လာတယ်။ မြို့နယ်ထဲက ကျေးရွာတွေမှာတော့ ၈ ရက်နေ့ ညနေ ၆ နာရီလောက်မှာ ရေစတက်လာလို့ မန္တလေး-မြင်းခြံကားလမ်းဘေးမှာ ယာယီ ရေဘေးတိမ်းရှောင်နေကြရတယ်။ ရွာတွေထဲမှာ တစ်ထပ်အိမ်ဆိုရင် ခေါင်မိုးလောက်ပဲ ကျန်တယ်။နှစ်ထပ်ဆိုရင်တော့ အောက်ထပ်မြှပ်တယ်။သစ်ပင်တွေနဲ့ ဓာတ်တိုင်တွေ လဲကျကုန်တယ်။ ကားလမ်းပေါ်မှာတော့ ရေက ခါးလောက်ထိ ရှိတယ်။မြင်းခြံ-မန္တလေး ကားတွေက အခုဆိုရင် မြစ်သားမြို့ကို မဖြတ်ပဲ မိတ္တီလာ-ကူမဲဘက်ကနေ ပတ်မောင်းနေကြတယ်''ဟု မြစ်သားမြို့ခံ တစ်ဦးက ပြောပြပါသည်။
အကူအညီ
ယခုအခါ မန္တလေးမြို့ပေါ်ရှိ ချမ်းမြသာစည် မြို့နယ်နှင့် ပြည်ကြီးတံခွန်မြို့နယ် အတွင်းရှိ ရေဘေးသင့် ပြည်သူများအား မြို့နယ် အတွင်းရှိ ဘုရားပုရ၀ဏ်များ၊ ဓမ္မာရုံနှင့် ဘုန်းတော်ကြီးကျောင်းများ၊ စာသင်ကျောင်းများတွင် ရေဘေးကယ်ဆယ်ရေး စခန်းများ ဖွင့်လှစ်ကာ သက်ဆိုင်ရာ ဒေသအာဏာပိုင်များ၊ သံဃာတော်များ၊ လူမှုကူညီရေးအသင်းနှင့် ပုဂ္ဂလိက စေတနာရှင်များက ကယ်ဆယ်ရေး၊ လုံခြုံရေးနှင့် ကူညီထောက်ပံ့ရေး လုပ်ငန်းများကို အရှိန်အဟုန်ဖြင့် ဆောင်ရွက်ပေးလျက်ရှိကြောင်း တွေ့ရှိရသည်။
အောက်တိုဘာလ ၁၀ ရက်နေ့ ညနေ ၄ နာရီ ၀န်းကျင်တွင် မိုးအနည်းငယ်သာ ရွာသွန်းခဲ့၍ အချို့နေရာများတွင် ရေများတန့်၍ အနည်းငယ် ပြန်လည်ကျဆင်းသွားသဖြင့် မိမိတို့ နေအိမ် အသီးသီးသို့ ပြန်လည်ဝင်ရောက် နေထိုင်သူ အချို့ကိုလည်း တွေ့ရှိရသည်။
မန္တလေးတိုင်းဒေသကြီးအတွင်း အောက်တိုဘာလ ၈ ရက်နေ့ ရွာသွန်းခဲ့သော မိုးရေချိန်အချို့
ပုသိမ်ကြီးမြို့နယ် ၁၁.၃၁ လက်မ
မြစ်ငယ် ၇.၇၈ လက်မ
စဥ့်ကိုင် ၇.၁၀ လက်မ
ကျောက်ဆည် ၆.၄၂ လက်မ
အမရပူရ ၆.၂၄ လက်မ
တံတားဦး ၅.၉၁ လက်မ
ပြင်ဦးလွင် ၅.၇၅ လက်မ
မန္တလေး ၅.၁၂ လက်မ
ရွှေစာရံ ၅.၀၀ လက်မ
posted by ၀င်းဝင်းခင်, Credit :Eleven Media Group
မလေးရှားကားကုမ္ပဏီ မြန်မာနိုင်ငံတွင် ဆလွန်းကားထုတ်ရန် စီစဉ်ပြီ
( 1 Vote )
လာမည့် ၂ဝ၁၁ ခုနှစ်၌ မြန်မာ နိုင်ငံတွင် ကားထုတ်လုပ်ရန် မလေးရှားကုမ္ပဏီတစ်ခုက စီစဉ်နေ သည်ဟု ကုန်သည်/စက်မှုအသင်း ချုပ်မှ ဒုဥက္ကဋ္ဌဦးဇော်မင်းဝင်းက ပြောသည်။ လာရောက်ထုတ်လုပ်မည့် ကုမ္ပဏီသည် ဂျပန်နိုင်ငံရှိ Nissan ကားထုတ်လုပ်ရေးကုမ္ပဏီနှင့် ပူး ပေါင်းကာ မလေးရှားနိုင်ငံတွင် ကားထုတ်လုပ်ရေး၊ ပြုပြင်ရေး လုပ်ငန်းများကို လုပ်ကိုင်နေသည့် Tang Chong Group ကုမ္ပဏီ ဖြစ် သည်။ ”သူတို့က အစိုးရနဲ့ပဲဖြစ်ဖြစ် ပုဂ္ဂလိကလုပ်ငန်းရှင်တွေနဲ့ပဲဖြစ်ဖြစ် အဆင်ပြေရင် ပြေသလို ပူးပေါင်း လုပ်ကိုင်မှာဖြစ်တယ်။ အဲဒီလို လုပ် ဖို့အတွက်ကိုလည်း လက်ရှိမှာ သူ တို့လုပ်ကိုင်မယ့် လုပ်ငန်းစဉ်တွေကို သက်ဆိုင်ရာ ဝန်ကြီးဌာန တွေဆီ စာ တင်ထားပြီးပြီ” ဟု အထက်ပါ ပုဂ္ဂိုလ်က ပြောသည်။ ၄င်းကုမ္ပဏီအနေဖြင့် မြန်မာ နိုင်ငံတွင်ဆလွန်းကားများကို ဦးစားပေးထုတ်လုပ်ရန် ကြံရွယ် ထားသော်လည်း လုပ်ငန်းလည်ပတ် စကာလ၌ကား Servicing ကဏ္ဍပိုင်းကိုသာ စတင်လုပ်ကိုင်မည်ဖြစ် ပြီး နောက်ပိုင်းမှသာ လုပ်ငန်းကို တစ်ဆင့်မြှင့်၍ ထုတ်လုပ်ရေးကဏ္ဍကို အကောင်အထည်ဖော် ဆောင် ရွက်မည်ဖြစ်ကြောင်း သိရသည်။ ယင်းသို့လုပ်ကိုင်ရန်အတွက် ၄င်းကုမ္ပဏီသည် ယခုအခါ မြန်မာ လုပ်သား ဝန်ထမ်းများကို ခေါ်ယူခန့် အပ်နေပြီဖြစ်ကြောင်း၊ အဓိကအား ဖြင့် အင်ဂျင်နီယာများနှင့် အိုင်တီ သမားများကို ဦးစားပေးခေါ်ယူနေ ကြောင်း သိရသည်။ ”အဲဒီ လိုမျိုး နည်းပညာအ သားပေးလုပ်ငန်းတွေ မြန်မာနိုင်ငံ ထဲလာရင်းနှီးမြှုပ်နှံကြတာ ကောင်း ပါတယ်။ ငွေကြေးရော၊ နည်းပညာ ပိုင်းဆိုင်ရာရော ဒီကလုပ်သားတွေ ရကြ မှာပေါ့။ ဒါပေမဲ့ တစ်ခုပဲ ပြော စရာရှိတယ်။ အရည်အသွေးမြင့်မြင့် နဲ့ မှန်မှန်ကန်ကန်ဖြစ်ဖို့တော့ လို အပ်မယ်ထင်တယ်” ဟု ဦးဇော်မင်း ဝင်းက ထပ်လောင်းပြောသည်။
လက်ရှိမြန်မာနိုင်ငံတွင်း ကား ထုတ်လုပ်မှုလုပ်ငန်းကို အိန္ဒိယနိုင်ငံ မှာ တာတာကားကုမ္ပဏီက ဆောင် ရွက်နေသည်။ ”ဒီလိုမျိုး နိုင်ငံခြားကုမ္ပဏီတွေ အတွက် ပြည်တွင်းဈေးကွက်ကို ဖွင့်ပေးမှုများလာရင်တော့ နောက် ပိုင်းမှာ ကျွန်တော်တို့လို လုပ်ငန်း ရှင်တွေအတွက် ဈေးကွက်အားပြိုင် မှုတွေများလာမှာပဲ။ အဲဒီအပေါ်မှာ သက်ဆိုင်ရာ တာဝန်ရှိသူတွေက နိုင်ငံခြားသားလုပ်ငန်းရှင်တွေ အပေါ် စည်းမျဉ်းစည်းကမ်းတွေနဲ့ ဘယ်လောက်ထိ ထိန်းချုပ်မှု ပြုမလဲဆိုတာကို ကြည့်ပြီးတော့မှ ကျွန်တော်တို့ရဲ့ လုပ်ငန်းတွေကို ရှေ့ဆက်ရမှာ ဖြစ်ပါတယ်” ဟု ပြည်တွင်းမှ ကားထုတ်လုပ်ရေး လုပ်ငန်းရှင်တစ်ဦးက ပြောသည်။ မြန်မာနိုင်ငံအတွင်းသို့ ငွေ အားနှင့် နည်းပညာအား ကောင်း ကောင်းဖြင့် နိုင်ငံခြား ကား ထုတ် လုပ်ရေးကုမ္ပဏီများ ဝင်ရောက် လာပါကပြည်တွင်း၌ တစ်နိုင်တစ် ပိုင်ထုတ်လုပ်နေသော ကားထုတ် လုပ်ရေးလုပ်ငန်းများမှာ အခက်အခဲ များစွာ ကြုံတွေ့လာနိုင်ကြောင်း၊ ထို့ကြောင့် တနိုင်တပိုင် ကားထုတ် ခြင်းထက် တစ်နိုင်တစ်ပိုင်များ စုပေါင်း၍ ကုမ္ပဏီကြီး တစ်ခုအဖြစ် ကားထုတ်နိုင်ရေးကို ကြံဆထား သင့်ပြီဖြစ်ကြောင်း စီးပွားရေးလုပ် ငန်းရှင်တစ်ဦးက ပြောသည်။ ”စုစည်းမှုတစ်ခုလုပ်မှပဲ ငွေ အားကောင်းမယ်။ ငွေအားကောင်း မှ နည်းပညာမြင့် စက်ပစ္စည်းတွေ ဝယ်နိုင်မယ်။ စက်ပစ္စည်းကောင်းမှ အရည်အသွေးရှိတဲ့ကားတွေကို အချိန်တိုအတွင်း အရေအတွက်များ များ ထုတ်နိုင်မယ်။ အဲဒီလို အခြေ အနေမရောက်သေးရင်တောင် မြန် မာနိုင်ငံတွင်း ရင်းနှီးမြှုပ်နှံမယ့် နာမည်ရှိပြီးသား နိုင်ငံခြား ကား ကုမ္ပဏီကိုယှဉ်နိုင်ဖို့ မလွယ်သေး ဘူး” ဟု ၄င်းကပြောသည်။
စံကျော်posted by ၀င်းဝင်းခင်, Credit :ပေါ်ပြူလာ မြန်မာ ဂျာနယ်
No comments:
Post a Comment