Blog Title

Saturday, August 21, 2010

Nuibom


                                                      Thahat lou


Tehse khat khatvei cha adonkhah lou Beer adonsah uvin ahi leh, aman jong adon jouvin hiti hin ahinsei je. Beer kiti hi Napu uhin laija adonji Thahat loutoh akilou e ahinti.



                                                    Amin haipa

Mipa khat hi jingkah apotdoh nilhah lam in Inn ahung kile in, Innalhun in ajinun jong

Ajinu - Nilhum a hoilai ja mova va nahim tia adoh leh ,

Mipa - Moh ham ham hih in, Amoh va va kahi poi. Kaloi khat hadam mo a kaga vet ahi.

Ajinu - Katahsan poi. Naloi pa min ipi ham?

Mipa - Akigel gel in, Chujou vin “Ahadam mo lheh jeh in amin jong asei thei poi “ ahinti nalai in ahi.



                                                 Judon ngapa

Judu a mikithang mipa khat Kumsot pi judon talou va ajudon ngah thu adoh uleh aman” Nikhat kaju kham pum a Kapinu ( Ajinu anu ) chu Thaltoh (Gun ) toh kakap le kakhel jeh a kajukham jeh a kakhel ahi kahet jeh a ju kadon lou ahi tai ahinti.



                                                Mi lengthei pa

Nikhat mikhat pa hin “ alupna a kon ahungkhah le Hospital analhung in akeng/Akhut avet le pongkang in akitom chakheh tan ahi. Akom avet leh aloipa amu phat in adon tai

Ana pa - Ipi jeh a Hospital a um kahim ?

Aloipa - Janlhah in ju idon honin nakham phat in kotbeng (Window ) ah nadah doh in Kalen le le ding Khopi sung kaga vet le le ding ahi nati in nachom lha in ahi.

Mina pa - Ipi ding neikham lou ham?

Aloipa - Atah be a nalenthei ding kahi sah ahi” ahinti nalai je.


                                               Chakhat neipa

Mipa khat hi nilhah setleh kholai ja avah vah jing in ahi. Ajinu alunghan jileh Apot doh kon teng “ Kache te cha 3 neinu tin adalha ji in ahi. Nikhat apotdoh doh kon in akinung hei in “ Ajinu ja a kache te cha 3 neinu aga tin ahi leh ajinun jong” Heng e ! Chakhat neipa tin aledon but in ahi leh hiche nia pet chun apot doh tapoi atiu ve.



                                               Agilpi pompa

Operation room a pet hungjam doh midam mo pachu Nurse nun

Nurse - Ipi ding a hungjam doh nahim?

Mina pa - Dr. Pan Kicha hih in agilpi pom ahi ati.

Nurse - Atah asei chu la. Ipi naki chat ham?

Mina pa - Kei isei ahipoi. Operation ibol ding Dr.pa joh asei ahi. ati.



                                                      Sermon

Muntheng a kaldoh khatlou, Pathen thu seikha lou mipa khathin Pastor pa kom a Pathen thu nasei chaiteng iti nachai jiem? Neisei peh in tia adoh leh Pastor pan jong “Na Bible khup in lang kangcha in natou na kijot le chun ahitai. Mipa jong ipijeh a Kangcha a itouna jot ding ham tia adoh le, Pastor pan” Aimut soh a alulhu ho khangding hija le ahinti peh e.


                                                     Lekha bu neilou

Thinglhang pa khat hi Khopi sung a Vohsa agacho in Mehondan lekha bu khattoh ahin kichoh tha in ahi. Innlam ahung kile in lalbeh seh in Thingphung limnoi ja akingah le a Sapoh chu Uicha khat in alhohmong peh tan ahi. Hiche phat chun Thinglhang mingol pa chun Nuija tah in” Vo Uingol Ahondan lekha bu eikom a um a iti kihon hen nati ham? tin ahinnui sat nalai jin ahi.
Gucha ni


Migucha 2 hi akimu to hon in khatpan” 1 - Sana 1kg khat kajoh e. Nakichoh ding ham?

2- -Ijat ding ham?

1 - Rs. 100000

Choh ding in akihou toh hon jouvin “ Ni 5 (nga) kah a khatcheh a aguhdoh hon ding in kitep na aneihon tan ahi.



                                                          Michip pa

Michipse khat hi nikhat athi in, thutan na alhun phat in Vantil hon Lekha bu theng aveu vin hiti hin adong uve. Leiset a naum lai ja thilpha ipi nabol khah em? Michip pa jong akigel gel in Meithai khat Sum Rs. 50 kape kha in ahi. Vantil in jong Aban na ati le Mikhat jong kapeh khah toh akilou ve. Ahinlah kamil tai ahinti,. Hiche phat chun Thutan hon Pathen kom a hiche pa hi Damun hiding he Vangam hiding ham atiu le Pathen pan jong Asumpeh jouse chu lepeh uvin lang Damun ah Pojing tau vin ahiti.
 
 
                                                        Micho pa


Micho khat hin meivah akivah in kholai jah ahungvah doh tan ahi. khobon mulou va ipi ding a meivah nakivah ham tia adoh ule , micho pan jong “Khomu hon eitakha nalou ding a kavah ahi ati.



                                                 Nisa (Sun ) Tobang pa

Nupi khat in “Kaji pa khu nisa tobang ahi atile mihon ipijeh em tia adoh ule, Numei nun jong” Nilhah leh amang ji in jingkah teng akimu ji e ati.


                                                Mihoi mo teni

Nupi moh ham ham khat hi Khokhat a Houinn kaiin ache in ahi leh Mutheng a tou mikhat chu Hoimo asah val jeh in akom a toupa kom a chu Mutheng a tou mihoi mo, Mivom pa khu koiham tia adoh le Khatpan jong Kanao pa ahi ahinti phat in nipi nu chu kiphat lam val jeh in “ Ngaidam kahet lou jeh ahi. Nalim hon akilou kel je kati Ucha nahi honham ahin tinai je.


                                               Guivang se

Guise ni hi akihou hon in, Khat in “ Keima hin Gu kanei dem? tia adoh leh khat in jong”Nanei lou va guise nahi chu me atiphat in Aman jong “ Akichai kahi tai. Ajouchun Kalei kaki pe khah e ati.


                                              Car le Mi 16

Lamlen chung a hunglhai Cari (Car ) Khat chu Police hon akham uvin Check abol ule Mi 4 Tounading a Mi 16 Atou uvin ahi. Hiche phat in Police pa jong alungdong behseh in man talou vin Jing leh Hitobang ma ma a hi Police land a nahung diu ahi ati peh tai. Ajing in Mi 16 ho chu Car chung a atou uleh 15 bou atouthei in Mikhat hi akiheng lutthei mong mong tapon, Car neipan jong iti hija Janlhah a chu najao lou ham? tia adoh le Adollou va atouthei lou pa chun Lunghang tah in “Janlhah a Car sung a Guitai saija lasa chu kei kahi lou leh koi hiding ham” ahinti.

                                             Mngol le Mingol

Mingol kikoi na Hospital ah mingol ni akihou hon in khatpa” Thihtum hin Naluchang tah veiling it idem tia adoh le aloi mingol pa chun” Kalukhuh navei lhah ding ahi ati.


                                             Jonglim tobang’

Numei khat hin Camera Akikap in ahungso phat hin” Hiche lim hi kilah pong e. Kalim chu Jonglim toh akilou ve atileh Camera neipan jong” Nakikap masang a chu nagel doh lou ham ahinti.


                                               Mihoi loupa

Nupi khangthah khat hin ajipa kom a “ Nagol pan keihi mihoi tah nahi eiti.” atileh ajipan jong kaloipa mit akisuh poi kati tua chu natahsan tah em” ahinti.



                                             Juidon pa

Mipa khat hin Innsung a Ju adon leh acha nu ahungin abeisa haiho chu ala in” Hepa Juihai abeisa ho hi kaga joh ding kanga jat jat a Anchang kahin choh ding ahi atileh Apan jong “ e- Gajoh tang. ..Keicha khat umhih leh ipi nakioh uva Bu naneh diu ham “ ahinti nalai jin ahi.

No comments: